|
- UID
- 167
- 帖子
- 3716
- 精华
- 27
- 积分
- 27721
- 威望
- 64
- 金钱
- 13771
- 魅力
- 3386
- 来自
- 石頭森林
- 注册时间
- 2007-11-17
  
|
60歲的鮑起靜（鮑姐），上年憑《天水圍的日與夜》榮登「第28屆香港電影金像獎」影后殊榮，閃亮的后冠，將她的黃昏路照得光明一片，而且越行越有色彩，像為一眾「40後」注入青春元素。
我們的客席主持人郭錦恩這天遇上鮑姐，二人之前素未謀面，但一碰面便滔滔不絕，鮑姐說：「好鍾意你，Keep（保持）得咁弗咁靚，鍾意同?好自然?人傾偈。」鮑姐一招反客為主，果真是「薑越老越辣」！她處處顯示出真性情，句句真心話，確確實實「真的假不了」。
撰文：劉安妮 攝影：TungStar
場地：Clifton Leung Design Workshop （3/F, 128 Wellington Street Central, HK）
郭錦恩：郭 鮑起靜：鮑
郭：你入行幾多年？
鮑：（哈哈笑）入行都四十幾年喇。
郭：你以家幾多歲？
鮑：（理直氣壯）60，但我冇搞大壽，自己低調唔誇張，年年都冇搞生日，只係屋企人食飯，由以家開始慢慢變59、58……返轉頭去生活。
郭：你以家去咗呢個位，成熟後點樣繼續生命？
鮑：你真係好，用「成熟」好專業，應該係熟透了，老演員以我呢個年紀，影后係咪應該要畫上句號？還是繼續呢？我從不言休，拎個獎係鼓勵，真係帶希望，望將來繼續做好戲。
郭：如何Keep住精神？
鮑：我屋企傳統，父母喺呢個圈做幾十年永不言休，承繼佢，直至呢一行唔要我
郭：靠乜去維持精神？意志力？人生出發點？生活開心？
鮑：我意志好薄弱咋，講到人生觀，人於世上唔應該白白過，要有意思。
發現老公唔多乖
郭：你幾時覺得自己係老一輩？
鮑：以家講緊「80後」，唔通我話「40後」咩？人生比例上最好年紀係40歲，自己睇番呢段時間係最成熟，每樣都開晒竅。
郭：好多朋友，生完仔後對自己冇自信，又驚老公出去滾？
鮑：叫佢學你咁，Keep好?，就算做家庭主婦都要有目標，向前行。我都經歷過專注晒湊女、老公身上，一個三十幾歲女人點會唔擔心老公有婚外情。唔好話7年之癢，就算十幾年夫妻都好，要令老公對你好，做女人都要付出，無論你生得幾靚，單坐度老公係唔會錫你。
郭：係囉，唔係性感就得，咁樣好膚淺。
鮑：我30歲結婚，32歲生女。
郭：你同老公一路關係都咁好？
鮑：梗係唔係，邊有夫妻四十幾年都咁好，最難解決係發現佢「唔多乖」。
郭：點發覺？
鮑：當然佢否認啦，男人好高招。否認又好，承認又好，只要以後唔會再做肯改過，我當佢唔係喇，好幸運件事發生早?，當時個女得幾歲。
郭：同埋以前唔興離婚。
鮑：原諒、寬恕係最大嘅愛，自己都會行差踏錯，人需要原諒。
循規蹈矩想狂放
郭：女人最大挑戰係過更年期……
鮑：過咗好耐喇，醫生話畀藥我食，我冇食到，當時好自然地過去。
郭：你忙咋，有d女人會好唔正常，脾氣臭。
鮑：唔好以為自己太重要，覺得人要遷就自己，應該以家人為主。
郭：女人都係受賀爾蒙控制？
鮑：女人係感性動物，最近有單好笑?，個女教我Check（檢查）佢爹嘅電話，睇有冇人SMS（短訊）佢，有時唔知仲好！
郭：正如要拎起個地氈，一定會有好多塵。
鮑：我咪喺佢面前，叫佢有乜就Delete（刪除）佢，我唔睇，嚇佢囉。
郭：人生有乜未做到，好想做？
鮑：我一生人好循規蹈矩，有時會諗可唔可以「野」呢？狂放一下，去邊度玩都自己一個人去。
郭：會唔會幻想同第二個男人？
鮑：當然會，尤其做演員，要對對手有少少感覺先入到戲，相反，如果好唔鍾意個男演員，係冇辦法入戲。都有試過擦出火花，同我老公咪係囉。
後記：影后被人0殊
「真的假不了，假的真不了」，鮑姐於這句說話上，應該屬於前者，她每次跟記者做訪問，也是以真性情待人，無論問她「亞視大地震」醜聞，她也會坦言笑說這些事情「屢見不鮮」，輕輕鬆鬆把話題帶過。 訪問當天，鮑姐每當談及興奮的話題總忍不住放大了聲浪，由於場地有其他人正進行會議，這位影后多次被人「0殊0殊聲」，但之後她還是偶爾控制不了聲浪，套用陳志雲金句：「真的假不了」，想笑便笑吧！ |
|
发表于 2010-3-23 14:52
| 
发表于 2010-3-23 17:55
| 
发表于 2010-3-23 22:24
| 
