[∞2009新聞∞] 方中信激動落淚

方中信激動落淚
錢嘉樂：猛男已死！
21/04/2009

方中信與莫可欣夫婦，跟方平及出爐影后鮑起靜相識多年，見證鮑姐影后之路，方中信激動落淚如自己攞獎，他說：「梗係！識咗佢廿年啦！戥佢高興！畀兩個實力派演員攞獎，唔係頒畀有後台，令我對香港電影業重拾信心。（送咩賀鮑姐？）乜都得呀！」

連司儀錢嘉樂也大為感觸：「估唔到方中信、爾冬陞好似BB咁會喊o架！唉！猛男已死。」更指被影帝張家輝激親：「之前話如果攞獎會多謝我呢個啟蒙老師，結果冇，真係頂住頂住！」他透露將與爾冬陞合作，希望明年有機會提名。

另外，湯盈盈昨凌晨二時，帶了一束花出席鮑姐慶功宴，問她是否送給錢嘉樂，她笑笑口亂答：「係送畀家輝！」約凌晨三時，緋聞男女前後腳鬆人，盈盈更飲到面紅紅。

方中信夫婦與鮑姐相識多年，戥她攞影后高興。