[∞2010新聞∞] 鮑起靜支持王征入股

轉自 ---新報網站---

亞視財政出現困難，引起該台藝員關注。鮑起靜：「電視見到胡小姐（亞視行政總裁胡競英），我諗佢好辛苦，我聽到佢話公司兩年內虧損會減少，希望啦！（之前可有拖糧情況？）從來未試過，我上年爆騷一個月內已有糧出。但講到財困就真係見到呢個情況。」

張文慈：亞視命不該絕

對於內地商人王征有意入股？鮑姐說：「梗係希望啦，無資金就乜製作都做唔到。」亞視原本計劃開拍一部有關天水圍的劇集，並由鮑姐主演，劇集至今胎死腹中，鮑姐說：「所有製作單位已作好準備，劇本、監製已埋晒位，但呢件事就一拖再拖，希望公司慢慢上軌道，始終一個電視台係需要製作劇集。」鮑姐手頭上雖暫未有工作，但她仍樂天說：「朋友都叫我放長假休息，唔好諗得咁悲觀，希望慢慢好轉啦」。
曾是「亞視一姐」、現已離開亞視的張文慈，問到可曾被拖糧？她說：「我冇試過，每月一號就自動轉帳，我會祝福亞視繼續運作良好，都想亞視好，相信亞視命不該絕，對亞視信念好強！亞視經過咁多難關都可以度過，無理由今次唔得。」
張文慈也支持王征入股，除了有充裕資金流入外，有背景的人士入股對公司亦是好事，她說：「只要亞視開劇，要我幫到手都會拍。」新報記者