[∞2009新聞∞] 張家輝大熱稱帝鮑起靜喊住封后

ming1985

第28屆香港電影金像獎昨晚於文化中心圓滿結束，影帝、影后、最佳導演賽果一如本報日前進行的業界專業投票所料，由張家輝、鮑起靜及許鞍華奪得，而「最佳電影」一獎則落入《葉問》手中，《赤壁》掃走5個獎成為得獎最多的電影。家輝與鮑姐同樣浮沉多年，同樣首度開齋，可謂苦盡甘來。

同樣手執香港電影評論學會、金像獎兩個獎座的鮑姐，得知自己封后激動落淚，連帶坐在她身邊的爾冬陞、方中信及莫可欣等亦淚如雨下，鮑起靜在掌聲雷動下步上領獎台，她說：「多謝四位候選人，佢哋做得好好，不過敬老至頒獎畀我，多謝父母由細到大嘅培養，令我可以演戲做終身職業，多謝許鞍華，佢喺卡士、製作費都咁有限嘅情況下，滿腔熱誠去拍攝，多謝亞視同事嘅衷心祝福，多謝老公、乖女，令我人生充滿意思。」而無綫卻將吳君如、鮑起靜提到「亞洲電視」的片段刪走。

憑《天水圍的日與夜》一改天水圍悲情觀感的最佳導演許鞍華則說：「後生以為攞獎要去康城，年紀大至知喺自己人手中攞獎最高興，30年前電影圈係男性為中心，但我冇受到歧視，今日我攞獎，大家亦冇年齡歧視我，證明業界開明進步，我身為一分子亦覺驕傲。香港電影百周年，希望大家繼續努力。」

《葉問》最佳電影
《葉問》監製黃百鳴則率領台前幕後上台領取「最佳電影」獎項，他在台上安慰失落影帝的甄子丹，他說：「子丹或者會失望，但最佳電影即係包含咗所有最好嘅嘢！」

而相隔16年，繼《籠民》後再奪「最佳男配角」的廖啟智說：「我希望出年提名新人，我想心態要似新人，多謝上帝畀我演戲潛能，多謝太太、三個仔畀我輕鬆工作，多謝林超賢導演嘅溫馨提示，多謝張家輝、謝霆鋒嘅火，望一望你兩個對眼都㷫，多謝英皇電影、銀都機構。諾諾（廖已逝世的兒子），呢個獎你都有份。」

最佳女配角得主陳麗雲則慨嘆：「我喺呢行都做過好多工作，估唔到可以上台攞獎，多謝評審、《天水圍日與夜》台前幕後。」而當大會宣布陳麗雲得獎時，同片鮑起靜激動落淚。

「專業精神獎」得主、配音界老行尊丁羽被問獎項是否來得太遲，他說：「唔係，獲業界肯定、認同，唔少朋友恭喜我，晚晚慶祝，我好開心。」

文：影視組