[∞2010新聞∞] 【3周刊#536】鮑起靜陳志雲世紀合照

好姨講場

鮑起靜陳志雲世紀合照
本週日（10日），一年一度嘅港島區公益金百萬行順利完成，一如以往香港各大傳媒都有派員出席，身為「亞視之寶」嘅鮑姐（鮑起靜）當然亦有出席，點知隔籬企正「無綫之寶」陳志雲。

當日各大電子傳媒喺起點列隊準備出發之際，陳志雲先見到鮑姐喺隔籬，即時熱情上前打招呼，反而係見慣風浪嘅鮑姐表現不知所措，握手又唔係，唔握手又唔係，最後喺在場記者慫恿下，終於完成呢張TVB總經理同ATV之寶嘅世紀合照。其實好姨就覺得，雖然同行如敵國，不過香港娛樂圈始終唔係大，唔使乜事都咁認真嘅。講開鮑姐，當日佢真係非常受歡迎，就算正式出發之後都要應酬在場觀眾，可見呢位影后幾咁得民心，好姨真係要奉勸亞視，唔好再放走呢批有實力嘅演員，如果唔係就算有歌手可以亮相亞視，都絕對係一件損失。