[∞他星之聞∞] 衷心答謝柳影虹當年扶持

易言

《一柳柔情有影虹》演唱會前晚假香港文化中心舉行，當晚有不少圈中人捧場，包括黎燕珊、時裝設計師Walter Ma、石修和太太、吳婉儀、鮑起靜、林偉、梅小菁和柳姐女兒等；愛上鏡的黃夏蕙更數度上台獻花，連演出嘉賓呂珊也禁不住說：「唔緊要，佢循環再用！」柳姐契仔亦上台獻花及獻吻，令她喜上眉梢。

＜採訪、攝影＞寶寶

        席間柳姐介紹多位警界及醫生朋友，並向他們致謝。除了呂珊、尹光、舒雅頌和薛家燕擔任嘉賓外，柳姐即場拉了好友梁天麗上台獻唱。柳姐支持香港樂壇，也不忘照顧弱小一群，她說：「香港唔只得偶像，都有我哋呢啲有實力歌手，好多細公司多年嚟亦默默努力，唔好剩係支持大公司呀！」引來全場拍掌支持。

        病愈後首次作舞台演出的家燕姐，和柳姐合唱《分飛燕》，又獨唱一曲《皆大歡喜》。她在台上公開多謝柳姐當年的扶持，由衷地說：「有段時間佢同老公幫我好多......今日有機會同大家唱歌係我􃝍福氣，十幾年前柳姐同老公知我有困境，當時幾個仔女只得三歲、五歲同七歲。陳寶珠一直以􃝯都好照顧我，三家姐勸我工作唔好一次過接咁多，要注意健康，三家姐隔日就會打電話畀我問健康狀況。」

與仔女吃飯慶祝母親節

        家燕姐在台上的演出，絕對不像大病初愈，但在後台接受訪問時，家燕姐的聲線明顯喘起來。家燕姐坦言起初也擔心唱不到，但她已向柳姐承諾，即使唱不到都堅持上台支持她，她笑言經過當晚之後要暫時絕唱，好讓身體得到充分休息。問到柳姐當年怎樣幫上忙？家燕姐娓娓道來：「我老公當年失蹤，我好徬徨唔知點做，柳姐就教我報警，佢老公喺警局好高級，佢哋知我如果行入警局，件事揚咗會變成一件好醜嘅事，又教我保守秘密，就算之後佢兩公婆去咗英國，都經常打電話畀我，擔心我會做傻事，所以事隔多年我都好感激佢哋。」

        母親節將至，家燕姐笑言要在工作中度過，但仍會抽空跟仔女吃飯慶祝，她謂兒子望能趕及返港，事關美國當地正為人類豬流感進行檢疫程序，順利的話應可趕及母親節當日返港，否則要遲一日才落機。