标题: [∞專訪∞] 鮑起靜天賜影后綠葉不言休 [打印本页]

---

作者: 易言    时间: 2009-5-8 09:30     标题: 鮑起靜天賜影后綠葉不言休

名利雙收
不計片酬

[attach]1093[/attach]
牡丹雖好但總需要綠葉扶持，有綠葉王之稱的鮑起靜，最近就以大熱姿態封影后，回憶四十一年演藝生涯，因處身弱台常遭白眼，廣告、登台根本無人問津，如今一次過獲得補償，令已年屆六十的鮑姐始料不及，雖然踏入退休之齡，但卻鐵定永不言休，此時此刻，綠葉又如何？

[attach]1094[/attach]
鮑起靜放棄爭逐名利，反而安於當綠葉王。
一套《天水圍的日與夜》引起不少低下層共鳴，成功橫掃今屆金像獎幾項大獎，當中影后更是眾望所歸，興奮過後回歸平靜，出身演藝世家的鮑姐，受父親鮑方影響加入娛樂圈，轉眼間廿年光景，過程甜酸苦辣也咬緊牙關捱過，為了養育幼女維持生計惟有頂硬上，不過鮑姐坦言從不後悔。

名利雙收
現實永遠如此，擁有影后名銜後隨即名利雙收，鮑姐亦笑謂：「以前邊會搵我登台同拍廣告㗎！有錢活動更加唔使諗，唱歌我會抽筋，所以依家有呢啲嘢，我認為係上天對我嘅恩賜，畀我有機會賺外快。」鮑姐表示能夠躋身影后，最開心非其87歲的奶奶莫屬，她謂：「家婆話我呢個年紀攞獎，已經係一個完美句號，成日勸我退休，但我唔會㗎，我甘願做綠葉！」

不計片酬
鮑姐亦未有為此調整片酬，還會繼續以「無價」姿態運作，她謂：「我覺得只要有得發揮，唔會去計幾多錢，試過拍膊頭接戲都係咁，所以幾多錢唔係大前提。」

談到弟弟鮑德熹，鮑姐隨即會心微笑，指當年父親忍痛送他到廣州求學，要讓他經歷不一樣的成長期，為彌補對弟弟不公平，此後全家上下均以他為中心，她謂：「我哋始終覺得虧欠咗細佬，所以後來佢話想去美國留學，我哋即想盡辦法，借錢都畀佢去，所以依家細佬事業有成，我真係好安慰，記得當年佢攞奧斯卡，我又叫又喊，真係仲興奮過我今次攞獎。」

鮑姐昨日出席《開心大發現2009媽咪真偉大》活動，談到愛女的孝順時甜絲絲說：「我個女已經返咗英國，唔使特別慶祝母親節啦，我哋日日都通電話，之前佢送過三樽去皺用品畀我，後來我發現佢要排長龍去買，仲要每次限買一樽，佢排咗三次呀！」

文：影視組

---

作者: 虹虹    时间: 2009-5-8 09:38

服装好好看哦。。。。。。。。。。鲍鲍期待你的唱歌和登台。哈哈。

---

作者: yingzi_09    时间: 2009-5-8 09:47

鲍姐加油加油哦～～～～～

---

欢迎光临 静听深情--鲍起静专属论坛 (http://ninapaw.com/)

Powered by Discuz! 7.2